Ifthar drink with lots of Health Benefits

🌙 ഇഫ്താറിനൊരു ചെമ്പരത്തി പാനീയം 🌺

തൊടിയിൽ ചെമ്പരത്തി ഉണ്ടോ?!
ഉണ്ടെങ്കിൽ നിങ്ങൾക്ക്‌ ചെമ്പരത്തി ഉപയോഗിച്ച്‌ നല്ലൊരു ഹെർബൽ ഡ്രിങ്ക്‌ ഉണ്ടാക്കാം.

പൊതുവേ നമ്മളിൽ പലരും ഇഫ്താർ സമയത്ത്‌ ചായ കുടിക്കുന്നവരായിരിക്കും എന്നാൽ ചെമ്പരത്തി പൂവുണ്ടെങ്കിൽ നിങ്ങൽക്ക്‌ ചായക്ക്‌ പകരം ചമ്പരത്തി ഡ്രിങ്ക്‌ ചൂടോടെ കുടിക്കാം.

എനി ചൂട്‌ ഇഷ്ടം ഇല്ലാത്തവരാണെങ്കിൽ തണുപ്പായിട്ടും നമുക്ക്‌ ചെമ്പരത്തി ഡ്രിങ്ക്‌ ഉണ്ടാക്കാം.

🍵
ചെമ്പരത്തി ഡ്രിങ്ക്‌ (ഹോട്ട്‌):

തിളക്കുന്ന വെളളത്തിൽ ചെമ്പരത്തിയുടെ ഇതളുകൾ ഇട്ട്‌ കൊടുക്കുക. ഒരു ഗ്ലാസ്സ്‌ വെള്ളത്തിനു മൂന്നോ നാലോ ചെമ്പരത്തി പൂവിന്റെ ഇതളുകൾ മതിയാകും.

ടേസ്റ്റിനു വേണ്ടി : മധുരം ( ശർക്കരയോ , പഞ്ചസാരയോ ചേർക്കാം) , ഏലക്കാ,ഗ്രാമ്പൂ,കറുകപ്പട്ട,ഇഞ്ചി (എന്നിവയോ അല്ലെങ്കിൽ ഇതിൽ ഏതെങ്കിലും ഒന്നോ നിങ്ങളുടെ രുചിക്കനുസൃതമായി ചേർക്കാം)

🥤
ചെമ്പരത്തി ഡ്രിങ്ക്‌ (കോൾഡ്‌):

നേരത്തെ ഉണ്ടാക്കി വെച്ചിട്ടുള്ള ഹോട്ട്‌ ചെമ്പരത്തി ഡ്രിങ്ക്‌ ഫ്രിഡ്ജിൽ വെച്ച്‌ തണുപ്പിക്കുക. തണുത്ത ചെമ്പരത്തി ഡ്രിങ്കിൽ കുടിക്കുന്നതിനു മുൻപ്‌ ചെറുനാരങ്ങ പിഴിഞ്ഞ്‌ കുടിക്കാം.

(നിങ്ങളുടെ ടേസ്റ്റിനു വേണ്ടി ഇതിൽ മാറ്റങ്ങൾ വരുത്താം. വേണമെന്നുണ്ടെങ്കിൽ തണുത്തതോ അല്ല്ങ്കിൽ ചൂടുള്ളതോ ആയ പാൽ ചേർത്തും കുടിക്കാം )

ചെമ്പരത്തി ഡ്രിങ്കിന്റെ ഗുണങ്ങൾ:

🌺 ആന്റീ ഓക്സിഡന്റ്‌ കലവറയാണു.
🌺 രക്താദി സമ്മർദ്ദം കുറക്കാൻ സഹായിക്കും.
🌺 നോർമൽ കൊളസ്ട്രോൾ ലെവൽ നിലനിർത്താൻ സഹായകമാണു.
🌺 കരളിന്റെ ആരോഗ്യം.
🌺 ഹൃദയത്തിന്റെ ആരോഗ്യം.
🌺 അർബുദ പ്രതിരോധം.
🌺 വെയിറ്റ്‌ ലോസ്സിനു സഹായകം.
🌺 ബാക്റ്റീരിയകളെ പ്രതിരോധിക്കും.
🌺 ഉണ്ടാക്കാൻ വളരെ എളുപ്പം.

പോഷക ഗുണങ്ങൾ: (100 ഗ്രാമിൽ)

Total Fat 0.7 g

Saturated fat 0.3 g
Polyunsaturated fat 0 g
Monounsaturated fat 0.1 g
Cholesterol 0 mg

Sodium 3 mg
Potassium 9 mg

Total Carbohydrate 7 g

Dietary fiber 0.3 g

Sugar 6 g

Protein 0.4 g

Vitamin A 5%
Vitamin C 30%
Calcium 0%
Iron 47%
Vitamin D 0%
Vitamin B-6 0%
Cobalamin 0%
Magnesium 0%

ഇന്നത്തെ ഇഫ്താറിനു പരീക്ഷിക്കുമല്ലോ!!

Dr Nisamudheen Neerad

For Online Consultation: www.lybrate.com/drnizamudheen

Tags: Unani, Unani medicine, Unani Medicine for piles, Unani medicine near me, Unani near me, Unani meaning, National Institute of Unani medicine Bangalore, Unani System of Medicine

യുനാനി വൈദ്യശാസ്ത്രത്തെ അടുത്തറിയാം

യുനാനി വൈദ്യശാസ്ത്രം - ഒരാമുഖം

ബദൽ ചികിത്സാരംഗത്ത്‌ ഇന്ന് ഏറെ പ്രചാരം നേടിക്കൊണ്ടിരിക്കുന്ന ഒരു വിഭാഗമാണ്‌ യുനാനി വൈദ്യശാസ്ത്രം. ശാസ്ത്രങ്ങളുടെ സിംഹഭാഗവും സംഭാവന ചെയ്തിട്ടുള്ള ഗ്രീക്കിൽ നിന്നുതന്നെയാണു യുനാനിയുടെയും ഉത്ഭവം. അതുകൊണ്ടുതന്നെ ഗ്രീക്ക്‌ മെഡിസിൻ എന്നാണിതു വിളിക്കപ്പെടുന്നത്‌.

ബി.സി 460ൽ ജീവിച്ചിരുന്ന ഗ്രീക്ക്‌ തത്വചിന്തകനും ഭിഷഗ്വരനുമായിരുന്ന ബുഖറാത്ത്‌ (Hippocrates) ആണ്‌ ഈ വൈദ്യശാസ്ത്രത്തിന്‌ അടിത്തറ പാകിയത്‌. വൈദ്യത്തിന്‌ ഒരു ശാസ്ത്രീയ അടിത്തറ നൽകി അന്ധവിശ്വാസങ്ങളിലധിഷ്ഠിതമായ സങ്കൽപങ്ങളിൽ നിന്ന് വൈദ്യ മേഖലയെ മാറ്റിയെടുത്തതുകൊണ്ടുകൂടിയാണ്‌ ലോകം അദ്ദേഹത്തെ വൈദ്യശാസ്ത്രത്തിന്റെ പിതാവ്‌ (Father of Medicine) എന്ന് അംഗീകരിച്ചുപോരുന്നത്‌. ഹിപ്പോക്രാറ്റിസിന്റെ ചതുർഭൂത – ചതുർ ദോഷ സിദ്ധാന്തങ്ങളെ ആസ്പദമാക്കി ഇപ്പോഴും നിലനിന്നുപോരുന്ന ഒരേയൊരു വൈദ്യശാസ്ത്രമാണ്‌ യുനാനി വൈദ്യശാസ്ത്രം. ശേഷം വന്ന തത്വചിന്തകനും ഫിസിഷ്യനുമായ ജാലിനൂസ്‌ (Galen) ഈ ദർശനങ്ങളെ ഒന്നുകൂടി വിശദീകരിക്കുകയും കൂടുതൽ വ്യാപകമാക്കുകയും ചെയ്തു. പിന്നീട്‌ പ്രശസ്ത വൈദ്യശാസ്ത്ര ആചാര്യന്മാരായ റാസി (Rhazes), ഇബ്നുസിന (Avicenna) തുടങ്ങിയവർ യുനാനി വൈദ്യശാസ്ത്രത്തെ പരിപോഷിപ്പിക്കുകയും സമ്പൂർണ്ണമാക്കുകയും ചെയ്തു. ഇബ്നുസിനയുടെ “Encyclopedia of Medicine” എന്നറിയപ്പെടുന്ന “The canon of Medicine” (അൽ ഖാനൂൻ ഫിത്തിബ്‌) അടക്കം പല പ്രമുഖ യുനാനി ഭിഷഗ്വരന്മാരുടെ ഗ്രന്ഥങ്ങളും ലോകത്തെ അറിയപ്പെടുന്ന വൈജ്ഞാനിക കേന്ദ്രങ്ങളിലെല്ലാം നൂറ്റാണ്ടുകളോളം വൈദ്യശാസ്ത്രത്തിന്റെ ആധികാരികഗ്രന്ഥങ്ഗ കരിച്ചുവരികയും ഇപ്പോഴും വൈദ്യശാസ്ത്ര വിജ്ഞാനത്തിന്റെ അമൂല്യ ഉറവിടമായി പരിഗണിക്കപ്പെടുകയും ചെയ്യുന്നു.

ഇന്ത്യയിൽ:

വിവിധ കാലഘട്ടങ്ങളിലായി വ്യത്യസ്ത ഉപഭൂഖണ്ഡങ്ങളിലൂടെ വൈദ്യശാസ്ത്രത്തിന്റെ വളർച്ചയിൽ അതുല്യമായ സംഭാവനകളർപ്പിച്ച്‌ വികസിച്ചുവന്ന യുനാനി മുഗൾ ഭരണകാലത്താണ്‌ ഇന്ത്യയിൽ വ്യാപകമായത്‌. വിവിധ ഭരണകർത്താക്കളുടെ കാലത്ത്‌ കൊട്ടാര വൈദ്യന്മാരായി തിളങ്ങിനിന്ന യുനാനി ഹക്കീമുകളിലൂടെ യുനാനി ചികിത്‌സ ഭാരതത്തിന്റെ സംസ്കാരത്തിന്റെ ഭാഗമായി വളർന്നു. ബ്രിട്ടീഷ്‌ ഭരണകാലത്ത്‌ ഏറെ തഴയപ്പെട്ടെങ്കിലും പിൽക്കാലത്ത്‌ യുനാനി വൈദ്യശാസ്ത്രം രാജ്യത്തിന്റെ തനതു വൈദ്യശാസ്ത്രമായി രൂപം കൊള്ളുകയായിരുന്നു.

സ്വാതന്ത്ര്യസമര സേനാനിയും ഇന്ത്യൻ നാഷണൽ കോൺഗ്രസ്‌ പ്രസിഡന്റുമായിരുന്ന അജ്മൽ ഖാൻ ഇന്ത്യയിൽ യുനാനിയുടെ വളർച്ചയിൽ മുഖ്യ പങ്ക്‌ വഹിച്ച വ്യക്തിയുമായിരുന്നു. ബ്രിട്ടീഷ്‌ അടിച്ചമർത്തൽ സമീപനത്തിലൂടെ പിറകോട്ടു പോയിരുന്ന സാഹചര്യത്തിൽ നിന്ന് മുന്നോട്ടു നയിക്കാൻ പുതിയ ഗവേഷണ സ്ഥാപങ്ങളും ചികിത്സാ കേന്ദ്രങ്ങളും അദ്ദേഹം ഉയർത്തിക്കൊണ്ടുവന്നു. രാജ്യം പിന്നീട്‌ മസീഹുൽ മുൽക്‌ (Healer of the Nation) പട്ടം നൽകി അദ്ദേഹത്തെ ആദരിക്കുകയുണ്ടായി. കൂടാതെ ഹക്കീം കബീറുദ്ധീൻ, ഹക്കീം അബ്ദുൽ ഹമീദ്‌ സാഹിബ്‌ തുടങ്ങിയ പ്രമുഖർ ഇന്ത്യയിലെ യുനാനിയുടെ വളർച്ചയിൽ സംഭാവനകളർപ്പിച്ചവരാണ്‌.

ഇന്ന് ആയുഷ്‌ വിഭാഗത്തിൽ ഉൾപ്പെടുന്ന യുനാനിയുടേതായി  Ministry of Health & Family welfareനു കീഴിൽ Central council for research in Unani medicine (CCRUM) മേൽനോട്ടം വഹിക്കുന്ന നിരവധി ഗവേഷണ – വിദ്യാഭ്യാസ സ്ഥാപനങ്ങൾ പ്രവർത്തിച്ചുവരുന്നു.

അടിസ്ഥാന തത്വങ്ങൾ:

ശരീരത്തിന്റെ നിർമ്മിതിയിലെ അടിസ്ഥാന ഘടകങ്ങളായ ജലം, വായു, മണ്ണ്‌, തീ എന്നീ ചതുർഭൂതങ്ങളെയും (Four elements theory) കഫം, പിത്തം, വാതം, രക്തം എനീ ചതുർ ദോഷങ്ങളെയും (Four humoural theory) അടിസ്ഥാനമാക്കിയുള്ള തത്വങ്ങളാണ്‌ യുനാനി വൈദ്യശാസ്ത്രത്തിന്റെ അടിത്തറ. ഈ നാലു എലമെന്റുകളിലേക്ക്‌ ചേർത്ത്‌ ചൂട്‌ (Hot), തണുപ്പ്‌ (Cold), ഈർപ്പം (Moisture), വരൾച്ച (Dryness) എന്നീ സ്വഭാവങ്ങളുടെ സമ്മിശ്രമായ നാലു വ്യത്യസ്ത സ്വഭാവഗുണങ്ങൾ ശരീരത്തിന്‌ രൂപപ്പെട്ടു വന്നിട്ടുണ്ടാവും. മിസാജ്‌ (Temperament) എന്നറിയപ്പെടുന്ന ഈ അടിസ്ഥാന ഭൗതിക ഗുണങ്ങൾ : 1 – Hot and Dry (ചൂടും വരൾച്ചയും), 2 – Hot and Moist (ചൂടും ഈർപ്പവും), 3 – Cold and Dry (തണുപ്പും വരണ്ടതും), 4 – Cold and Moist (തണുപ്പും ഈർപ്പവും) എന്നിവയാണ്‌. വ്യത്യസ്ത അനുപാതത്തിൽ നിലകൊള്ളുന്ന ഈ മിസാജിന്റെ സന്തുലിതാവസ്ഥ ശരീരത്തിന്റെ ആരോഗ്യാവസ്ഥയെയും സ്വാധീനിക്കുന്നു.



അടിസ്ഥാന ശരീര ദ്രവങ്ങളായി കണക്കാക്കപ്പെട്ട നാലു humours (ചതുർദ്ദോഷങ്ങൾ) ഓരോ ശരീരത്തിലും വ്യത്യസ്ത അവസ്ഥകളിൽ സന്നിവേശിച്ചു കാണപ്പെടും. അതവർക്ക്‌ ശരിയായ ആരോഗ്യം നിലനിർത്തുന്നതിൽ പങ്ക്‌ വഹിക്കുന്നു. ഈ ദോഷങ്ങളുടെ അസന്തുലിതാവസ്ഥ രോഗസാഹചര്യം സൃഷ്ടിക്കുകയും മിസാജിൽ മാറ്റം വരുത്തുകയും ചെയ്യുന്നു.

ആരോഗ്യം സംരക്ഷിക്കാൻ 6 കാര്യങ്ങൾ:

ശരീരത്തിന്റെ ആരോഗ്യം നിലനിർത്താൻ ആറ്‌ നിർബന്ധ കാര്യങ്ങൾ (Asbab Sitha Zarooriah) യുനാനി മുന്നോട്ടുവെക്കുന്നു:

1. വായു: അന്തരീക്ഷ വായു ജീവൻ നിലനിർത്താൻ അത്യാവശ്യമാണെങ്കിൽ അതിന്റെ ഗുണനിലവാരം ശരീരത്തിന്റെ Temperament/മിസാജിൽ മാറ്റം വരുത്തുകയും ആരോഗ്യത്തെ ബാധിക്കുകയും ചെയ്യും.

2. ഭക്ഷണം: പോഷക സമ്പുഷ്ടവും സമീകൃതവുമായ ആഹാരം ആരോഗ്യം സംരക്ഷിക്കാൻ അത്യാവശ്യമാണ്‌.

3. ശാരീരിക പ്രവർത്തനങ്ങളും വിശ്രമവും: ആവശ്യത്തിനുള്ള ശാരീരിക ചലനവും വിശ്രമവും ആരോഗ്യത്തെ സ്വാധീനിക്കുന്നു. വ്യായാമം ജീവിതശൈലീ രോഗങ്ങളിൽ നിർണായക പങ്കാണു പലപ്പോഴും വഹിക്കുന്നത്‌.

4. മാനസിക പ്രവർത്തനങ്ങളും ശാന്തതയും: ശരിയായ മാനസിക പ്രവർത്തനങ്ങൾ മനുഷ്യന്‌ ആരോഗ്യത്തോടെ ജീവിക്കാനുള്ള ഊർജ്ജം നൽകുന്നു.

5. ഉറക്കവും ഉണർച്ചയും: ഓരോ രോഗിയുടെയും ജീവിതസാഹചര്യത്തിനനുസരിച്ചുള്ള ശരിയായ അനുപാതത്തിലുള്ള ഉറക്കവും ഉണർച്ചയും അയാൾക്ക്‌ കിട്ടിയിരിക്കണം.

6. വിസർജനവും പോഷകാംശ ആഗിരണവും: ഉപാപചയ പ്രവർത്തനങ്ങൾക്ക്‌ ശേഷം ശരീരത്തിനാവശ്യമായ ഘടകങ്ങളുടെ ആഗിരണവും അനാവശ്യഘടകങ്ങളുടെ വിസർജനവും സമ്പൂർണമായില്ലെങ്കിൽ ആരോഗ്യത്തെ ബാധിക്കുന്നു.


രോഗം ഒരു സാധാരണ പ്രകൃതി പ്രക്രിയയും ലക്ഷണങ്ങൾ അതിനോടുള്ള ശരീരത്തിന്റെ പ്രതിപ്രവർത്തനങ്ങളുമാണെന്നാണ്‌ യുനാനിയുടെ പക്ഷം. യുനാനിയുടെ കാഴ്ചപ്പാട്‌ പ്രകാരം ഓരോ വ്യക്തിക്കും ഒരു ആന്തരിക ശക്തി ശരീരത്തിന്റെ ആരോഗ്യസന്തുലിതാവസ്ഥ നിലനിർത്താൻ സഹായിക്കുന്നു. കുവ്വത്തെ മുദബിർ ബദൻ (Quwate Mudabir Badan) എന്ന ഈ കഴിവിനെ പരിപോഷിപ്പിക്കലാണ്‌ യുനാനി ചികിത്സയുടെ അടിസ്ഥാന വശം. ഇതുവഴി ശരീരം സ്വയം രോഗത്തെ ചെറുക്കുന്നു.

നാലു ചികിത്സാരീതികളാണു യുനാനിയിൽ ഉള്ളത്‌.

1. Ilaj bil Ghiza (Dietotherapy): ഭക്ഷണത്തെ ഉപയോഗിച്ച്‌ രോഗശമനം സാദ്ധ്യമാക്കാൻ യുനാനിയിൽ പ്രഥമ പരിഗണന നൽകുന്നു.

2. Ilaj bil Dawa (Pharmacotherapy): ആവശ്യഘട്ടത്തിൽ പ്രകൃതിദത്തമായ മരുന്നുകൾ ഒറ്റമൂലിയായോ മിശ്രിത രൂപത്തിലോ രോഗിയുടെ ചികിത്സക്കായി ഉപയോഗിക്കുന്നു.

3. Ilaj bil Thadbeer (Regimenal therapy): വിവിധ യുനാനി കർമ്മ ചികിത്സകളായ മസാജ്‌, ഹിജാമ, ഫസദ്‌, ലീച്ചിംഗ്‌, നുതൂൽ തുടങ്ങിയ നൂറുകണക്കിനു രീതികളാണിതിൽ ഉപയോഗിക്കുന്നത്‌.

4. Ilaj bil Yad (Surgery): മറ്റു ചികിത്സകൾ ഫലവത്താവാത്ത സാഹചര്യങ്ങളിൽ ശസ്ത്രക്രിയ ആവശ്യമായി വന്നേക്കാം.

For Online Appointments:

www.lybrate.com/drnizamudheen


വിവരങ്ങൾക്ക് കടപ്പാട്:

KOTTAKKAL UNANI HOSPITAL,
OPP.NANDILLATH,
COLLEGEPADI, EDARIKODE NH,
KOTTAKKAL, MALAPPURAM
KERALA
PH: 8590 11 33 44

എന്തുകൊണ്ട് യുനാനി? Why Unani Medicine ?

ഫെബ്രവരി 11 ഹക്കീം അജ്മൽ ഖാൻ ജ്നമദിനം- ദേശീയ യുനാനി ദിനo

ഹക്കീം അജ്‌മൽ ഖാൻ പേര് സൂചിപിക്കുന്നത്‌ പോലെ “ഹക്കിം” (ചികിത്സകൻ) എന്ന വാക്കിന്റെ എല്ലാ ഗുണങ്ങളും  ഒത്തുചേർന്ന അപൂർവവ്യക്തിത്വത്തിന്റെ ഉടമയായിരുന്നു. ഡൽഹിയിൽ അറിയപെടുന്ന യുനാനി ചികിത്സകനായ ഇദ്ദേഹത്തെ അദ്ദേഹത്തിന്റെ രോഗ നിർണ്ണയശേഷിയും ചിക്തിസയുടെ ഫലവും കാരണം മസീഹുൽ മുൽക്ക്‌ (രാജ്യത്തിന്റെ ചികിത്സകൻ ) എന്നായിരുന്നു അറിയപ്പെട്ടിരുന്നത്.


ഇന്ത്യൻ നാഷണൽ കോൺഗ്രസ്, ഇന്ത്യൻ യൂണിയൻ മുസ്ലിം ലീഗ്‌ , അഖിലേന്ത്യാ ഖിലാഫത്ത്‌ പ്രസ്ഥാനം തുടങ്ങിയ മൂന്ന് ദേശീയ പ്രസ്ഥാനത്തിന്റെയും അഖിലേന്ത്യാ പ്രസിഡന്റ്‌ പദവി വഹിച്ച ഒരേ ഒരു വ്യക്തിയാണ് ഹകീം അജ്മൽ ഖാൻ.  ഇദ്ദേഹത്തിന്റെ നൂറ്റമ്പതി മൂന്നാം ജന്മദിനമാണ്‌ ഇന്ന് കേന്ദ്ര സർക്കാർ ഈ ദിവസത്തെ ദേശീയ യുനാനി ദിവസമായി ആഘോഷിക്കുകയാണ്

1868 ഫെബ്രവരി 11 ന് ജനിച്ച ഹക്കിം അജ്‌മൽ ഖാന്റെ കുടുംബം  മുഗൾ സാമ്രാജം ഭരിക്കുന്ന കാലത്ത്‌ ഇന്ത്യയിലേക്ക്‌ കുടിയേറിയ വൈദ്യ കുടുംബമാണ്‌. അദ്ദേഹത്തിന്റെ കുടുംബത്തിലെ മുതിർന്ന എല്ലാവരും പാരമ്പര്യ യുനാനി ചിക്ത്സകരായിരുന്നു . അദ്ദേഹത്തിന്റെ പിതാവിന്റെ പിതാവ് ഹക്കിം ശരഫ്‌“ഷാഹ്‌ ആലം” മുഗൾ സാമ്രാജ്യം ഭരിക്കുന്ന കാലത്ത്‌ കൊട്ടാരത്തിലെ മുഖ്യ ചികിത്സകനായിരുന്നു.
ബാല്യത്തിൽതന്നെ പേർഷ്യൻ ഭാഷ, അറബി വ്യാകരണം, ഖുർആൻ, തർക്കശാസ്ത്രം എന്നിവയിൽ അവഗാഹം നേടിയ ഇദ്ദേഹം പില്ക്കാലത്ത് ഉറുദുവിൽ പാണ്ഡിത്യം സമ്പാദിച്ചു. വൈദ്യശാസ്ത്രത്തിന്റെ ആദ്യപാഠങ്ങൾ പിതാവിൽനിന്നും ഉയർന്ന രീതിയിലുള്ള വൈദ്യ വിദ്യാഭ്യാസം ജ്യേഷ്ഠസഹോദരൻമാരിൽ നിന്നും സമ്പാദിച്ചു. 1904-ൽ മൊസൊപ്പെട്ടേമിയയും തുർക്കി, അറേബ്യ എന്നീ രാജ്യങ്ങളും 1911-ൽ യൂറോപ്പും സന്ദർശിക്കുകയുണ്ടായി. ഡൽഹിയിൽ താൻ സ്ഥാപിക്കാനുദ്ദേശിച്ച കോളേജിന്റെ നടത്തിപ്പിനെപ്പറ്റി ആവശ്യമായ വിവരങ്ങൾ ഈ യാത്രയിൽ ഇദ്ദേഹം നേടി..1892 ൽ പഠനം പൂർത്തിയാക്കിയ ഇദ്ദേഹം റാംപൂർ നവാബിന്റെ മുഖ്യ ചികിത്സകനായി മാറുകയാണ്‌ ഉണ്ടായത്‌. തന്റെ പൂർവികരിൽ നിന്ന് സ്വായത്തമാക്കിയ രോഗിയെ ഒന്ന് കണ്ടാൽ രോഗം മനസിലാക്കുന്ന ഇദ്ദേഹത്തിന്റെ ശേഷി കൂടുതൽ പ്രശസ്തനാക്കി.

ബ്രിട്ടീഷ്‌ ഇന്ത്യയിൽ ഇന്ത്യയിലെ പാരാമ്പ്യര്യ ചികിത്സകളെ തീർത്തും ഇല്ലാതാക്കാൻ ശ്രമിച്ചപ്പോൾ അദ്ദേഹം ഡൽഹിയിൽ സ്ഥാപിച്ച കോളേജാണ്‌ ആയുർവേദ & യുനാനി തിബിയ കോളേജ്‌. തിബിയ കോളേജ്‌ ഉദ്ഘാടനം ചെയ്തത്‌ മഹാത്മാ ഗാന്ധിയാണ്‌. യുനാനി വൈദ്യ പഠനത്തിൽ ആധുനിക വൈദ്യശാസ്ത്ര അറിവുകൾ കൂടെ ഉൾപ്പെടുത്തണം എന്ന് നിർദ്ദേശം വെച്ച അദ്ദേഹത്തിന്റെ അഭിപ്രായത്തെ അന്ന് ലഖ്‌നോവിലെ മറ്റു യുനാനി ഹകീമുകൾ തള്ളുകയായിരുന്നു. എന്നാലും അദ്ദേഹം ആ കാലത്തെ പ്രശസ്തനായ കെമിസ്റ്റായ സലീമുസ്മാൻ സിദീഖിയെ തന്റെ കോളേജിൽ യുനാനി വൈദ്യശാസ്ത്രത്തിൽ ഉപയോഗിക്കുന്ന ഔഷധ സസ്യങ്ങളുടെ ഗവേഷണത്തിന്‌ കൂടെ കുട്ടുകയും അത്‌ പ്രകാരം വിപ്ലവകരമായ മാറ്റം മരുന്നിൽ വരുത്തുകയും ചെയ്‌തു.

വൈദ്യമേഖലക്ക്‌ പുറമേ അദ്ദേഹത്തിന്റെ കൂടെ മേൽനോട്ടത്തിൽ സ്ഥാപിച്ച യൂണിവേയ്സിറ്റിയാണ്‌ പ്രശസ്തമായ “ജാമിയമില്ലിയ ഇസ്ലാമിയ”. ഇന്നും മലയാളികൾ ഉൾപെടെ ആയിരക്കണക്കിന്‌ വിദ്യാർത്ഥികൾ പഠിക്കുന്ന ഈ യുണിവേയ്സിറ്റിയുടെ ആദ്യ ചാൻസലറയി തെരഞ്ഞടുത്തത് ഹക്കിം അജ്‌മൽ ഖാനെ തന്നയാണ്‌. 1928 ൽ മരിക്കുന്നത്‌ വരെ അദ്ദേഹം ആയിരുന്നു അതിന്റെ ചാൻസിലർ.
1906ൽ ഷിംലയിൽ വൈസ്രൊയിക്ക്‌ നിവേദനം കൊടുക്കാൻ ചെന്ന മുസ്ലിം നേതാക്കളിൽ അദ്ദേഹവുമുണ്ടായിരുന്നു. ഗാന്ധിജി, മൗലാന അബുൽകലാം ആസാദ്‌, മുഹമദലി ജൗഹർ, മൗലാന ശൗകത്തലി തുടങ്ങിയ മാഹാരഥന്മാരോട്‌ തോളോട്‌ ചേർന്ന് പ്രവർത്തിച്ച്‌ മഹദ് വ്യക്തിത്വമാണ് അജ്‌മൽ ഖാൻ. വിവിധ സമുദായക്കാരെ ഒരേ നിലയിൽ സ്നേഹിക്കുകയും സേവിക്കുകയും ചെയ്ത ഒരാളെന്ന നിലയിലാണ് ചരിത്രകാരൻമാർ ഇദ്ദേഹത്തെ വീക്ഷിക്കുന്നത്. 1919-ലും 1924-ലും ഉണ്ടായ ഹിന്ദു-മുസ്ലീം ലഹളകൾ ശമിപ്പിക്കാനും അവ കൂടുതൽ സ്ഥലങ്ങളിലേക്ക് വ്യാപിക്കാതിരിക്കാനും ഇദ്ദേഹം അശ്രാന്തപരിശ്രമം ചെയ്തു.

ഹകിം അജമൽഖാനും കെമിസ്റ്റ്‌ സലീമുസ്മാൻ  സിദീഖിയും യുനാനി മരുന്നായ റുവോൾഫിയ സെർപ്പന്റിന(അസ്രറൂൽ)എന്ന വേരിൽ നിന്ന് വേർതിരിച്ച് എടുത്ത പ്രധാന വസ്തുവായ ആന്റി അർഹിതമിക്ക്‌ (ഹൃദയ സംബന്ധമായ) പ്രതേക വസ്തുവിനെ ഇന്നും അദ്ദേഹത്തിന്റെ ബഹുമാനപൂർവം “അജമാലിൻ” എന്നും പിന്നിട്‌ അതിൽ നിന്ന് വേർതിരിച്ച് എടുത്ത ആൽക്കലോയ്യിഡുകൾക്ക് അജ്മലൻ ഐസോ അജമലയിൻ നിയോജ്മലിയസിൻ എന്നീ പേരുകൾ നൽകി. ഇന്നും ഹൃദയസംബന്ധമായതിനും മാനസികമായ അസുഖങ്ങൾക്കും ഈ മരുന്നുകൾ ആധുനിക വൈദ്യ ശാസ്ത്രമടക്കം ഉപയോഗിച്ച്‌ കൊണ്ടിരിക്കുന്നു.

യുനാനി വൈദ്യശാസ്ത്രം

അറിവിന്റെ നിധി ലോകത്തിന്‌ നൽകിയ പ്രാചീന ഗ്രീക്കിൽ നിന്ന് തന്നയാണ്‌ യുനാനി മെഡിസിനും രൂപം കൊള്ളുന്നത്‌ .വൈദ്യ ശാസ്ത്രത്തിന്റെ പിതാവായ ഹിപ്പോക്രാറ്റ്(ബുഖറാത്ത്‌) {460-377BC}‌ തന്നയാണ്‌ യുനാനി വൈദ്യത്തിqqന്റെയും പിതാവ്‌  അദ്ദേഹത്തിന്റെ ചതുർദ്ദോശ സിന്താതപ്രകാരം (FOUR HUMER ) ദം (രക്തം) ബൽഘം(കഫം) സഫ്ര(പിത്തം) സൗദ(വാതം) എന്നിവയുടെ ശരീരത്തിലെ തുലനമാണ്‌ ഒരു ആരോഗ്യവാൻ എന്നതും മുകളിൽ പറഞ്ഞ ദോശത്തിൽ മാറ്റം വരുന്നേരം ആണ്‌ മനുഷ്യന്‌ അസുഖമുണ്ടാകുന്നതും എന്നതാണ്‌ യുനാനിയുടെ അടിസ്ഥാന ത്വത്വം ...

ഹിപ്പോക്രാറ്റിന്‌ ശേഷം ലോകത്തെ മികച്ച ശാസ്ത്രഞർ ആയ ഗാലൻ ,റാസി, അവിസെന  തുടങ്ങിയവർ യുനാനിയെ കൂടുതൽ ജനകീയമാക്കകയും അതിലെ തന്നെ മികച്ചതായിരുന്നു അവിസെന്നയുടെ അൽ കാനുൻ ഒഫ്‌ ഫിത്തിബ്‌ ഇത്‌ 18ആം നുറ്റാണ്ട്‌ വരെ യുറോപ്പിലും മറ്റും വൈദ്യ ശാസ്ത്രത്തിന്റെ ആധികാരിക ഗ്രന്ധമായി തുടർന്ന് പോന്നിരിന്നു..!

അറബികളിലുടെ ആയിരുന്നു യുനാനി മെഡിസിൻ ഇന്ത്യയിൽ എത്തിയത്‌ അത്‌ ഡെൽഹി സുൽത്താന്മാരിലൂടെയും മുഗ്ഗൾ രാജാക്കന്മാർ എന്നിവരിലൂടെ കൂടുതൽ ജനകീയ വൽക്കരിക്കുകയും ചെയ്തു .

മനുഷ്യന്റെ പ്രതിരോധ ശക്തി വർദ്ധിപ്പിച്ച്‌ രോഗങ്ങളെ അതിലൂടെ ഇല്ലാതാക്കാൽ ആണ്‌ യുനാനി വൈദ്യത്തിലെ മുഖ്യമായ ലക്ഷ്യം

യുനാനി വൈദ്യത്തിലെ രോഗനിർണ്ണയം

പൾസ്‌(നബ്സ്‌), മൂത്രം( ബോൽ) ,മലം(ബറാസ്‌ ) എന്നിവയുടെ മാറ്റങ്ങൾ എന്നിവ രോഗം നിർണ്ണയിക്കാൻ ഉപയോഗിച്ച്‌ വരുന്നു..

ചികിത്സരീതി..

നാല്‌ തരത്തിലാണ്‌ യുനാനിയിൽ ചികിറ്റ്സിക്കുന്നത്‌

1)ഡയറ്റ്‌ തെറാപ്പി(ഇലാജ്‌ ബിൽ ഗസ)
ഭക്ഷണം കൊണ്ട്‌ രോഗത്തെ നിയന്ത്രിക്കുന്നതാണ്‌ ഈ ചിക്ത്സരീതി
ഉദാഹാരണം :പാലിയോ ഡയറ്റ്‌etc

2)റെജിമിനൽ തെറാപ്പി(ഇലാജ്‌ ബിൽ തദ്ബീർ)
മരുന്നില്ലാതെ ചില പ്രതേക തെറാപ്പികളിലൂടെ രോഗം മാറ്റുന്ന രീതിയാണ്‌ ഇത്‌
ഉദാഹരണം :- കപ്പിംഗ്‌, മസാജ്‌ ,ഹിജാമ,അട്ടയെകൊണ്ട്‌ കടിപ്പിക്കൽ

3)ഫാർമ്മകോതെറാപി(ഇലാജ്ബിൽ ദവാ)
മരുന്നുകൾ ഉപയോഗിച്ച്‌ രോഗം മാറ്റുന്ന രീതിയാണ്‌ ഇത്‌
ഉദാഹരണം:- ലേഹങ്ങൾ ,ഗുളിഗ, ടോണിക്ക്‌

4)സർജ്ജറി(ഇലാജ്‌ ബിൽ യദ്‌)
ചില രോഗത്തെ സർജ്ജറിയിലൂടെ മാറ്റുന്ന രീതിയാണ്‌ ഇത്‌
ഉദാഹരാണം :- പൈൽസ്‌, etc

യുനാനി ചികിത്സയിലെ മരുന്നുകൾ

1. പ്ലാന്റ്‌ ഒറിജിൻ :- ചെടികൾ ,ഇല ക്,വേര് ,തണ്ട്‌, എന്നിവ ഉദാഹരണം
2. ആനിമൽ ഒറിജിൻ:- ജീവികളിൽ നിന്ന് ലഭിക്കുന്ന മരുന്നുകൾ ഉദാഹരണമായി കസ്തൂരി,തിംമിഗലത്തിൽ നിന്ന്‌ ലഭിക്കുന്ന ആംബർ എന്നിവ
3. മിനറൽ ഒറിജിൻ:- മുത്ത്‌ ,പവിഴം,സ്വർണ്ണം ഇരുമ്പ്‌ അയിര്‌ തുടങ്ങിയവ.....

>യുനാനി വൈദ്യ പഠനം

 ഇന്ത്യയിൽ ഏകദേഷം 50 ൽ അധികം മെഡിക്കൾ കോളേജുകളിൽ 5 1/2. അഞ്ചര വർഷത്തെ ബിരുധ കോഴ്സും 3 വർഷത്തേ പീജി കോഴസ്കളും  ഇന്ന് ലഭ്യമാണ്‌.

യുനാനി വൈദ്യത്തിലെ കപ്പിംഗ്‌ ,ഹിജാമ എന്നിവ വളരേയ്ധികം പ്രസിദ്ധിയാർജിച്ച്‌ വരുന്ന ഒരു ചിക്ത്സ രീതിയാണ്‌ ലോകത്തിലെ മികച്ച അത്ലറ്റ്‌ ‌ ആയ മൈക്കിൽ ഫെലിപ്സ്‌ ,ഓളിമ്പ്ക്സ്‌ -ഫുടുബോൾ താരങ്ങൾ  തുടങ്ങിയവർ വേദന മാറ്റാൻ  ഇത്‌ ചെയതത്‌ വാർത്തയായിരുന്നു.

കേരളത്തിൽ യുനാനി...

ആയുഷിലെ സുപ്രധാന വിഭാഗമായ യുനാനിക്ക്‌ സംസ്ഥാനത്തിൽ സർക്കാർ തലത്തിൽ തന്നെ 18സ്ഥാപനങ്ങൾ മാത്രമാണ്‌ ഉള്ളത്‌ അതിൽ ഒരു ഐ സ്‌ എം ഡിസ്പനസറിയും 2 കേന്ദ്ര ഗവർണമെന്റെ സ്ഥാപങ്ങളും 15ആയുഷ്‌ ഡിസ്പനസറികളുമാണ്‌.
സർക്കാർ തലത്തിൽ പുതിയ ഡിസ്പൻസറികളും ജില്ലാ ആയുർവ്വേദ ഹോസ്പിറ്റലുകളിൽ യുനാനി യൂണിറ്റുക സ്ഥാപിക്കാനുള്ള ആലോചനയും നടന്ന് വരികയാണ്‌.
സ്വകാര്യ മേഖലയിൽ ഒരു മെഡിക്കൽ കോളേജും
100ലധികം സ്വകാര്യ സ്ഥാപനങ്ങൾ കേരളത്തിൽ യുനാനി ഡോക്ട്രുമാരുടെതായി പ്രവർത്തിച്ച്‌ വരുന്നു..

ഹിജാമ ചികിത്സാ രീതി: സത്യമെന്ത്?

Hijama Therappy 

അടുത്തിടെ നവമാധ്യമങ്ങളില്‍ സജീവ ചര്‍ച്ചയായിരുന്നു ഹിജാമ ചികിത്സ രീതി. ഇതിലെ അശാസ്ത്രീയത ചൂണ്ടിക്കാട്ടിയായിരുന്നു ചര്‍ച്ചകള്‍ മുന്നോട്ട് പോയിരുന്നത്. ശാസ്ത്രീയ പിന്‍ബലമില്ലാത്ത ഹിജാമ തെറപ്പി, രക്തമൂറ്റിക്കുടിക്കുന്ന സമ്പ്രദായമാണെന്നായിരുന്നു പ്രധാന വിമര്‍ശം. എന്നാല്‍ അത്തരം പ്രചാരണങ്ങള്‍ക്ക് കഴമ്പില്ലെന്നാണ് യുനാനി ഡോക്ടര്‍മാരുടെ സംഘം പറയുന്നത്.  മോഡേണ്‍ മെഡിസിന്റെ അളവ് കോല് വെച്ച് ഇതര വൈദ്യശാസ്ത്ര മേഖലകളെ വിലയിരുത്തുന്നത് മണ്ടത്തരമാണെന്നും ആധുനിക ശാസ്ത്രത്തിന്റെ കണ്ടെത്തലുകള്‍ക്കനുസരിച്ച് സാധ്യമായ മേഖലകള്‍ നവീകരിക്കപ്പെടുന്നുണ്ടെന്നും ഇവര്‍ വ്യക്തമാക്കുന്നു. ഗൗരവമുള്ള രോഗങ്ങളുമായി ചെല്ലുന്ന എല്ലാവരെയും ഹിജാമ ചെയ്യുന്നില്ല. എല്ലാ സാധ്യതകളും പരിശോധിച്ച് ആവശ്യമെങ്കിൽ മറ്റു ചികിത്സകളുടെ ഭാഗമായെ  ഹിജാമയും നൽകുന്നുള്ളൂ.

എന്താണ് ഹിജാമ?

യുനാനി ചികിത്സയിലെ Regimenal therapy വിഭാഗത്തിൽപ്പെട്ട ഒരു ചികിത്സാ രീതിയെന്ന നിലയ്ക്ക്  നിരവധി രോഗങ്ങളിൽ പ്രയോഗിക്കാവുന്ന ഒരു തെറാപ്പ്യൂട്ടിക് പ്രൊസീജറാണിത്. യുനാനി വൈദ്യശാസ്ത്രത്തിന്റെ അടിസ്ഥാന ഗ്രന്ഥങ്ങളിൽ ഒന്നായ അൽഖാനൂൻ ഫിത്തിബില്‍ 37 തരം രോഗങ്ങൾക്ക് ഹിജാമ ഫലപ്രദമാണ് എന്ന് വിശദീകരിക്കുന്നുണ്ട്.

അശുദ്ധ രക്തം കളയലല്ല ഹിജാമ

എന്നാല്‍ അശുദ്ധ രക്തത്തെക്കുറിച്ച് യുനാനിയില്‍ പറയുന്നുണ്ട്. ചതുർദോഷങ്ങളായ വാതം, പിത്തം, കഫം, രക്തം എന്നിവയിലുണ്ടാകുന്ന മാറ്റങ്ങൾ രോഗത്തിന് കാരണമാകുന്നു എന്നാണ് യുനാനിയിലെ രോഗ നിദാന ശാസ്ത്രം. ഇതിനെ ദോഷങ്ങൾ ദുഷിക്കുക എന്നാണ് പറയുക.

അപ്രകാരം 'യുനാനി വൈദ്യശാസ്ത്രമനുസരിച്ചുള്ള' Quality & Quantity യിലുള്ള മാറ്റങ്ങൾ "യുനാനി വൈദ്യശാസ്ത്രം പറയുന്ന' നാല് ദോഷങ്ങൾക്കുണ്ടാകുമ്പോളാണ് 'യുനാനി വൈദ്യശാസ്ത്രം പറയുന്ന' "അശുദ്ധി" ഉണ്ടാവുന്നത്. നൂറ്റാണ്ടുകളായി ഈ സിദ്ധാന്തങ്ങളുടെ അടിസ്ഥാനത്തിലാണ് യുനാനി ഡോക്ടർമാർ രോഗിയെ പരിശോധിക്കുന്നതും രോഗം നിർണയിക്കുന്നതും ചികിത്സ നടത്തുന്നതും.

ഹിജാമ രോഗം സുഖപ്പെടുത്തുന്നത് എങ്ങനെ?

ചതുർദോഷങ്ങളുടെ ഗുണത്തിലും അളവിലും വരുന്ന മാറ്റങ്ങൾ കറക്റ്റ് ചെയ്യുകയാണ് യുനാനിയുടെ ചികിത്സാ സമീപനം. അതിന് 'തദ്ബീർ' പോലുള്ള സങ്കേതങ്ങള്‍ യുനാനിയിലുണ്ട്. അതിന്റെ ഭാഗമാണ് ഹിജാമയിലൂടെയും സാധ്യമാകുന്ന Isthifragh & Imal ഇത് സാധ്യമാകുന്ന വേറെയും സങ്കേതങ്ങൾ യുനാനിയിലുണ്ട്. നുസജ്, ഇസ്ഹാൽ, ഖൈ, ഫസദ്‌, ഹമാം തുടങ്ങിയവ ഉദാഹരണം.

ഹിജാമയുടെ ശാസ്ത്രം:

ഹിജാമയുടെ പ്രവർത്തന രീതി മുഴുവൻ വിശദീകരിക്കാൻ ശാസ്ത്രം വളർന്നിട്ടില്ലെങ്കിലും ചില അവസ്ഥകളിൽ ഹിജാമ എങ്ങനെ പ്രവർത്തിക്കുന്നു എന്ന് വിശദീകരിക്കാൻ കഴിയും. ഉദാഹരണത്തിന് ഹിജാമയുടെ വകഭേദമായ ഹിജാമ ബിലാ ശുർത്ത് മസ്കുലാർ ടെൻഷൻ കുറയ്ക്കുന്നത് എങ്ങനെയാണെന്ന് വിശദീകരിക്കാം.

ഹിജാമയിലൂടെ സൃഷ്ടിക്കപ്പെടുന്ന Negative Suction pressure മൂലം interstitial space കളിലെ fluid ന്റെ collection വർധിപ്പിക്കുകയും ചർമ്മം വലിഞ്ഞു നിൽക്കുന്ന അവസ്ഥയിൽ Capillaries ന് ചുറ്റുമുള്ള സമ്മർദ്ദം കുറയുകയും ചെയ്യുന്നു. ഇത് Capillaries ൽ നിന്നുള്ള filtration ന്റെ തോത് വർധിപ്പിക്കുകയും അത് Inflammatory mediators ന്റെ dilution കാരണമാവുകയും അങ്ങനെ പേശി സങ്കോചത്തിനും വേദനക്കും അയവ് വരികയും ചെയ്യും.

ഇതേ മെക്കാനിസം ഹിജാമ ബിശ്ശുർത്തിലും നടക്കുന്നു. അവിടെ localised fluids ന്റെ റിമൂവൽ മൂലം Interstitial HTN താഴുകയും അതുവഴി ഉയർന്ന Interstitial HTN ഉണ്ടാക്കുന്ന വേദനയുമായി ബന്ധപ്പെട്ട ന്യൂറോ ട്രാൻസ്മിറ്ററുകളായ P Substance പോലുള്ളവയുടെ സാന്നിദ്ധ്യം കുറക്കുകയും വേദനക്ക് കുറവുണ്ടാകുകയും ചെയ്യുന്നു.

സങ്കീർണ്ണമായ യുനാനി തത്വങ്ങളുടെ അടിസ്ഥാനത്തിൽ പ്രയോഗിക്കപ്പെടുന്ന ഹിജാമയുടെ പ്രവർത്തനം പൂർണ്ണമായും ശാസ്ത്രീയമായി വിശദീകരിക്കാൻ (മറ്റു ചികിത്സകളായ വമനം, നസ്യം, ശിരോധാര, വസ്തി തുടങ്ങിയവ ഒക്കെയും സാധ്യമാവാത്ത പോലെ തന്നെ) ശാസ്ത്രം വളർന്നിട്ടില്ല. വളരുന്നതിനനുസരിച്ച് മാറ്റത്തിന് വിധേയമായിക്കൊണ്ടിരിക്കുന്ന ശാസ്ത്രത്തിന് ഭാവിയിൽ അത് കണ്ടെത്താൻ കഴിയുമെന്ന് പ്രതീക്ഷിക്കാം.


മെക്കല്‍ ഫെല്‍പ്സും ഹിജാമയും

പ്രശസ്ത നിന്തല്‍ താരം ഹിജാമ ചെയ്തതിനെക്കുറിച്ചും ചര്‍ച്ചയുണ്ടായിരുന്നു. ഫെൽ‌പ്സ് ചെയ്തത് രക്തമെടുക്കുന്ന ഹിജമായല്ല. ഹിജാമയുടെ തന്നെ മറ്റൊരു വകഭേദമായ ഹിജാമ ബിലാ ശുർത്ത് ആണ്. അത്ലറ്റുകൾ ഹിജാമ ചെയ്യുന്നത് മസ്‌കുലാർ സ്പാസവും വേദനയും കുറക്കാൻ വേണ്ടിയാണ്. ഫെല്പ്സ് മാത്രമല്ല യൂറോപ്പിലേയും ഏഷ്യയിലെയുമൊക്കെ നിരവധി സ്പോർട്സ് താരങ്ങൾ ഹിജാമയുടെ ഗുണഭോക്താക്കളാണ്.

ഹിജാമയിലൂടെ സുഖപ്രാപ്തി കൈവരിച്ചവര്‍ നിരവധി പേരുണ്ടെന്നും വ്യക്തമായ ഒരു തെളിവിന്റെയും അടിസ്ഥാനത്തിലല്ല ഹിജാമയെ ഇവര്‍ വിമര്ശിക്കുന്നതെന്നുമാണ്  യുനാനി ഡോക്ടര്‍മാരുടെ സംഘം പറയുന്നത്.

Collected By:
Dr Nisamudheen Neerad
Govt Medical Officer
AYUSH Primary Health Centre (Unani)
Mukkam, Calicut Kerala

For Online Consulatation:

www.unanidoctor.com 

Treatment for Kidney stone in Unani Medicine

മൂത്രാശയ കല്ലുകളെ യുനാനിയിലൂടെ ചികിത്സിക്കാം

മൂത്രാശയ രോഗങ്ങളിൽ സർവ്വസാധാരണമായ അസുഖമാണ് 'മൂത്രക്കല്ല്' എന്നാ പേരിൽ  സുപരിചിതമായ 'യൂറിനറി  സ്റ്റോണ്‍ ഡിസീസ്' (Urinary Stone Disease). ഇത് പിന്നീട് മൂത്രാശയ വ്യൂഹത്തിലെ ഏറ്റവും വേദനയേറിയ അസുഖങ്ങളായ റിനൽ  ക്വാളിക് , യുരീറ്റരിക് ക്വളിക് എന്നിവയിലേക്ക് നയിക്കുന്നു. ആയിരക്കണക്കിന് വര്ഷങ്ങള്ക്ക് മുമ്പേ ഈ അസുഖത്തെ സംബന്ധിച്ച വിവരങ്ങൾ പുരാതന വൈദ്യശാസ്ത്ര ഗ്രന്ഥങ്ങളിൽ വിവരിച്ചിട്ടുണ്ട്.

മൂത്രാശയ വ്യൂഹം

രണ്ടു വൃക്കകൾ (Kidney), രണ്ടു മൂത്രവാഹിനിക്കുഴലുകൾ (Ureter), മൂത്രസഞ്ചി(Urinary bladder), മൂത്രനാളി(Urethra) എന്നിവയാണ് ഈ വ്യൂഹത്തിലെ അവയവങ്ങൾ. കിഡ്നിയാണ് മനുഷ്യ ശരീരത്തിലെ രക്തത്തിലെ അഴുക്കുകളും അധികമുള്ള ജലാംശവും മൂത്രം വഴി ശരീരത്തില നിന്ന് പുറന്തള്ളുന്നത്. ഈ മൂതം യുരീറ്റർ എന്നാ നാളികൾ മൂത്രസഞ്ചിയിൽ എത്തിക്കുകയും അവിടെ നിന്ന് പേശികളുടെയും ഞരമ്പുകളുടെയും പ്രവർത്തനത്തിനനുസരിച്ച് മൂത്രനാളം(Urethra)  വഴി പുറത്തേക്കു കളയപ്പെടുകയും ചെയ്യുന്നു. ശരീരത്തിലെ ലവണങ്ങളുടെയും മറ്റും സന്തുലിതാവസ്ഥ നിലനിർത്തുന്നതിൽ വൃക്കയുടെ പങ്ക് പ്രധാനമാണ്.

സാധാരണ ഗതിയിൽ വളരെ ചെറിയ കല്ലുകൾ രോഗി അറിയാതെ തന്നെ മൂത്രം വഴി പുറന്തള്ളപ്പെടുന്നു. അതെ സമയം കല്ലുകൾ കഠിനമായ വേദനക്കും വൃക്കയുടെ പ്രവർത്തനത്തെ താളം തെറ്റിക്കുന്നതിനും കാരണമാവുകയും ചിലപ്പോൾ അടിയന്തിര ചികിത്സ തന്നെ ആവശ്യമാക്കുകയും ചെയ്യുന്നു.

എന്താണ് മൂത്രക്കല്ല്?

വൃക്കയിലൂടെ പുറന്തള്ളപ്പെടുന്ന വസ്തുക്കളുടെ കൂട്ടത്തിൽ ചിലതരം ധാതുക്കളും ക്രിസ്റ്റൽ രൂപത്തിലുള്ള ഉറപ്പുള്ള മറ്റു പദാർഥങ്ങളും പ്രധാനമായും വൃക്കയിലോ മൂത്രസഞ്ചിയിലോ അടിഞ്ഞു കൂടുകയും ക്രമേണ അത് വലുതായി മൂത്രാശയ വ്യൂഹത്തിന്റെ പ്രവര്ത്തനത്തെ ബാധിക്കുകയും ചെയ്യുന്നു.ഇങ്ങിനെ വൃക്കയിൽ ഉണ്ടായ കല്ലുകൾ പിന്നീട് മൂത്രവാഹിനി കുഴലിലേക്ക് എത്തുമ്പോൾ മൂത്രതടസ്സം ഉണ്ടാവാം. ഈ സമയം സമീപത്തെ പേശികൾ വലിഞ്ഞു മുറുകി കല്ലിനെ നീക്കി കളയാൻ ശ്രമിക്കുന്നതാണ് വേദനക്ക് പ്രധാന കാരണം.

മൂത്രക്കല്ലുകളിൽ വിവിധ തരം രാസപദാർഥങ്ങൾ അടങ്ങിയിരിക്കാമെങ്കിലും ഏകദേശം 75 % കല്ലുകളിലും കാത്സ്യം അതിന്റെ ഓക്‌സലേറ്റ് (Oxalate) രൂപത്തിലോ ഫോസ്ഫേറ്റ് (Phosphate) രൂപത്തിലോ അടങ്ങിയിട്ടുള്ളതാണ്. ഇതിനു പുറമേ യുറിക് ആസിഡ് (Uric acid) മൂലവും കല്ലുകള ഉണ്ടാവാം. അപൂര്വ്വമായി പഴക്കം ചെന്ന മൂത്രാശയ അണുബാധ (Chronic urinary tract infection) കാരണമായും മൂത്രക്കല്ലു രോഗം ഉണ്ടാവാം.

യുനാനിയിൽ:-

മൂത്രക്കല്ല് രോഗങ്ങൾക്ക് കാരണമായേക്കാവുന്ന ഘടകങ്ങളായി പറയുന്നത് ശരീരത്തിന്റെ അമിതോഷ്ണ (ഹറാറത്ത്) പ്രകൃതവും ശരീര ദോഷങ്ങളിൽ (HUMOURS) ചിലതിന്റെ ആധിക്യവും ഗുണ വ്യത്യാസവും മറ്റുമാണ്. ഉഷ്ണ പ്രകൃതം കാരണം, സ്വഭാവഗുണത്തിൽ വ്യത്യാസം വന്ന ദോഷങ്ങളിൽ നിന്ന് ജലാംശം വലിചെടുക്കപ്പെടുകയും ക്രിസ്റ്റൽ രൂപത്തിലുള്ള പദാർഥങ്ങൾ ഒരു സ്ഥലത്ത് കേന്ദ്രീകരിക്കപ്പെടുകയും ചെയ്യുന്നു. ഇത്തരം അവസ്ഥകളിൽ വെള്ളത്തിന്റെ ഉപയോഗം കുറയുകയും കല്ല്‌ രൂപീകരണത്തെ സഹായിക്കുന്ന പദാർഥങ്ങൾ അടങ്ങിയ ഭക്ഷണം അമിതമാവുക കൂടി ചെയ്യുമ്പോൾ മൂത്രക്കല്ലിന്റെ  വളര്ച്ചയ്ക്ക്  ആക്കം കൂടുകയും ചെയ്യുന്നു. ഉഷ്ണമേഖലാ പ്രദേശത്ത് വസിക്കുനവരിൽ ഇത് കൂടുതലായി കണ്ടു വരുന്നുണ്ട്.

സ്ത്രീകളെ അപേക്ഷിച്ച് 40 വയസ്സ് കഴിഞ്ഞ പുരുഷന്മാരിലാണ് മൂത്രക്കല്ല് രോഗം കൂടുതൽ കാണുന്നത്. അതും മൂന്നിരട്ടിയോളം. ഒന്നിൽ കൂടുതൽ തവണ ഈ അസുഖം ഉണ്ടായവർക്കും പാരമ്പര്യ ഘടകം ഉള്ളവർക്കും സാധ്യത ഒന്ന് കൂടി കൂടുന്നു.

അപ്രതീക്ഷിതമായി അരക്കെട്ടിനു പിന്നിൽ നിന്ന് തുടങ്ങി അദിവയട്ടിലെക്കും തുദയിദുക്കിലെക്കും ലിംഗാഗ്രത്തിലേക്കും പടരുന്ന കധിനമായ വേദനയാണ് ഈ അസുഖത്തിന്റെ പ്രധാന ലക്ഷണം. പലപ്പോഴും വലിയ കല്ലുകള ഉണ്ടെങ്കിൽ പോലും തുടക്കത്തില ഒരു ലക്ഷണവും കാണിക്കാതെ വന്നേക്കാം. എന്നാൽ ആ കല്ല്‌ സ്ഥാനം തെറ്റുമ്പോഴാണ് ഇത്തരം വേദന പ്രത്യക്ഷപ്പെടുന്നതും രോഗി ഇരുന്നും നടന്നും ആശ്വാസമില്ലാതെ വിഹ്വലത അനുഭവിക്കുകയും ചെയ്യുന്നത്. കല്ലിന്റെ അഗ്രം തട്ടി രക്തം മൂത്രത്തിൽ കലന്നും കണ്ടേക്കാം. ചിലർക്ക് കൂടെക്കൂടെ മൂത്രമൊഴിക്കാൻ തോന്നൽ, മൂത്രമൊഴിക്കുമ്പോൾ നീറ്റൽ, ഛർദി, മനം പിരട്ടൽ തുടങ്ങിയവയും ഉണ്ടാവാറുണ്ട്.

പരിഹാരം:-

മൂത്രക്കൽല്ലു രോഗികൾക്ക് പൊതുവെ നല്കപ്പെടുന്ന ഉപദേശമാണ് ധാരാളം വെള്ളം കുടിക്കുക എന്നത്. എന്നാൽ വെളളത്തിന്റെ അളവ് കൃത്യമായി നിർവചിക്കാൻ കഴിയാറില്ല. എന്നാലും സാധാരണയിലും ഇരട്ടിയിലധികം കുടിക്കേണ്ടതായി വരുന്നു. മൂത്രത്തിൽ കല്ലുള്ളവർ ആഹാരക്രമത്തിൽ ശ്രദ്ധിക്കേണ്ട നിരവധി കാര്യങ്ങളുണ്ട്. ഉപ്പും പാലുൽപ്പന്നവും കുറയ്ക്കുക എന്നത് പ്രധാനമാണ്. ഇലക്കറികൾ, തക്കാളി, കാബേജ് തുടങ്ങിയവ അധികം കഴിക്കരുത്. ഇത്തരം അസുഖക്കാർ മാട്ടിറച്ചിയും ഡ്രൈ ഫ്രുട്ട്സും തല്ക്കാലത്തേക്ക് കുറയ്ക്കുന്നതാണ് നല്ലത്. ഉറക്കക്കുറവും ശോധന കുറവും ഇതോടോപം പരിഹരിക്കേണ്ട പ്രധാന കാര്യങ്ങളാണ്.

കൂടാതെ ഡോക്ടറുടെ അഭിപ്രായമനുസരിച്ച് ആഹാരക്രമത്തിൽ ഇനിയും മാറ്റം വരുത്താൻ ശ്രദ്ധിക്കണം.

ചികിത്സ;-

ഭക്ഷണ നിയന്ത്രണങ്ങൾ കൊണ്ട് പരിഹരിക്കപ്പെടാനാവാതെ വരുമ്പോൾ മൂത്രക്കല്ലുകൾക്ക് മരുന്ന് ചികിത്സ തന്നെ വേണ്ടി വരും. യുനാനിയിൽ കല്ലുകളെ പൊടിച്ചു കളയാനും മൂത്രത്തിലൂടെ പുറന്തള്ളാനുമുളള ഔഷധങ്ങളാണ് ഉപയോഗിക്കുന്നത്. സാധാരണ 4 mm വരെ വലിപ്പമുള്ള കല്ലുകൾ മരുന്നുകൾ കൊണ്ട് മൂത്രത്തിലൂടെ നിഷ്പ്രയാസം ഒഴിവാക്കി കളയാം.

അതിനു മുകളില വലിപ്പമുള്ള കല്ലുകൾക്കാണ് പൊടിച്ചു കളയാൻ ശേഷിയുള്ള ഔഷധങ്ങൾ നല്കുന്നത്. മൂത്രക്കല്ലുകളുടെ ചികിത്സക്ക് താഴെ പറയുന്ന ഔഷധ കൂട്ടുകൾ ഒരു യുനാനി ഡോക്ടറുടെ നിർദേശപ്രകാരം കഴിക്കാവുന്നതാണ്.

1. ഹജറുൽ യഹുദ് - 40gm , സന്ഗെ സർമഹി - 20gm, തുഖ്മെ കുരഫ്സ്, തുഖ്മെ തുർബ്, ജവാഖാർ ഓരോന്നും 6gm എന്ന ക്രമത്തിൽ എടുത്ത് നന്നായി പൊടിച്ച്   6gm വീതം ശര്ബത് ബസൂരിയിലോ ഞെരിഞ്ഞിൽ തിളപ്പിച്ച വെള്ളത്തിലോ ചേർത്തി കഴിക്കുക.
2. ഹജറുൽ യഹുദ് -10gm , സന്ഗെ സർമഹി -10gm രണ്ടും പൊടിച്ച് ജവരിഷ് സരൂനി അര സ്പൂണ്‍ ചെര്തി രാത്രി.
3. ദവെ സംഖ് 1/ 2 സ്പൂണ്‍ ഞെരിഞ്ഞിൽ .വെള്ളത്തിൽ  രണ്ടു നേരം കൊടുക്കാം. കൂടാതെ വിവിധ യുനാനി മരുന്നുകളായ മാജുൻ ഹജറുൽ യഹുദ്, സഫുഫ് ഇക്സിരെ ഹിസത്, ശര്ബത് ആലുബലു, മാജുൻ അഖ്രബ്, ഖുര്സ് കുശ്ത ഹജറുൽ യഹുദ് തുടങ്ങിയവയും മൂത്രക്കല്ലുകൾക്ക് ഫലപ്രദമായ  യുനാനി ഔഷധങ്ങളാണ്.

Courtesy: Dr OK Abdul Azeez
                Consultant Physician
                Kottakkal Unani Hospital & Hijama Centre

പ്രഷർ കുറയ്ക്കാൻ യുനാനി ചികിത്സകൾ

പ്രഷർ കുറയ്ക്കാൻ യുനാനി ചികിത്സകൾ
                   
ഉയർന്ന രക്തസമ്മർദം സാധാരണ ബാധിക്കുന്ന ഹൃദയം, വൃക്ക, മസ്തിഷ്കം തുടങ്ങിയ അവയവങ്ങളുടെ പ്രവർത്തനത്തെ കാര്യക്ഷമമാക്കുക കൂടി ചെയ്യുന്ന ചികിത്സാ പദ്ധതിയാണ് യുനാനിയിലെ ബിപി ചികിത്സ.

ഉയർന്ന പ്രഷർ ഉള്ളവർ ഔഷധചികിത്സയോടൊപ്പം ഭക്ഷണനിയന്ത്രണവും പാലിക്കണം. മുട്ട, മത്സ്യം, മാംസം, ചായ, ദഹിക്കാൻ പ്രയാസമുള്ള ഭക്ഷണം എന്നിവ ഒഴിവാക്കാം. മദ്യം, മുറുക്ക്, പുകവലി എന്നിവയും ഉപേക്ഷിക്കണം. പഴങ്ങളും പച്ചക്കറികളും ധാരാളമടങ്ങിയ ലഘുഭക്ഷണക്രമമാണു നല്ലത്. ഉപ്പു കുറയ്ക്കണം. ഭക്ഷണം പല പ്രാവശ്യമായി കഴിക്കുന്നതാണു നല്ലത്.

പെരുംജീരകവും സുന്നാമക്കിയും സമം പൊടിച്ച് അര ടീസ്പൂൺ മുതൽ ഒരു ടീസ്പൂൺ വരെ രാത്രി കഴിച്ചാൽ രാവിലെ സുഖശോധന ലഭിക്കും. ദിവസവും അതിരാവിലെ ലഘു ശ്വസനവ്യായാമങ്ങൾ ശീലിക്കണം.

കൊത്തമല്ലി വെള്ളം നല്ലത്

രോഗികൾ നേരിയ ചൂടുവെള്ളത്തിലാണു കുളിക്കേണ്ടത്. ചെറിയ തോതിൽ മാത്രം പ്രഷർ ഉള്ളവർ മേൽപറഞ്ഞവയോടൊപ്പം ഒരു പിടി കൊത്തമല്ലിയും നാലു ചുള വെളുത്തുള്ളിയും ചതച്ചിട്ടു വെള്ളം തിളപ്പിച്ചു രണ്ടുനേരം കഴിച്ചാൽ തന്നെ പ്രഷർ സാധാരണ നിലയിലാകും.

അഞ്ചുഗ്രാം ഉണങ്ങിയ പുതിനയിലയും മൂന്നു ഗ്രാം സിൽക്ക് കൊക്കൂണും ഒരു ഗ്ലാസ് വെള്ളത്തിൽ തിളപ്പിച്ച് ദിവസവും മൂന്നുനേരം കഴിക്കുക. ബിപി കുറയും. അശ്വഗന്ധം, സർപ്പഗന്ധി, കുരുമുളക് ഇവ സമം സൂക്ഷ്മ ചൂർണമാക്കി അര ടീസ്പൂൺ രണ്ടുനേരം കഴിക്കുന്നതും ബിപി നിയന്ത്രിക്കാൻ സഹായകമാണ്. ഉയർന്ന പ്രഷറിനൊപ്പം മറ്റെന്തെങ്കിലും രോഗമുള്ളവർ ചികിത്സയ്ക്കു മുമ്പു ഡോക്ടറുടെ ഉപദേശം തേടണം.

പ്രഷർ കുറഞ്ഞുപോയാൽ

പൊതുവായ ആരോഗ്യം ക്ഷയിക്കുന്നതു കൊണ്ടാണു പ്രഷർ താഴുന്നതെങ്കിലും മറ്റനേകം കാരണങ്ങളാലും ഇതു സംഭവിക്കാം. അത്തരം സാഹചര്യങ്ങളിൽ കാരണം കണ്ടെത്തി ചികിത്സിക്കുകയാണു വേണ്ടത്.

നെല്ലിക്ക മരുന്നുകൂട്ട്

താഴ്ന്ന പ്രഷറുള്ളവർക്ക് വീട്ടിലുണ്ടാക്കി കഴിക്കാവുന്ന ഔഷധമാണ് ശുർബെ ആംല. അതിന്റെ വിധി താഴെ കൊടുക്കുന്നു.

നെല്ലിക്ക — ഒരു കിലോ

ശർക്കര — ഒരു കിലോ

ഏലം, വാൽമുളക്, കറുവപ്പട്ട സമം പൊടിച്ചത്— 6 ഗ്രാം

നെല്ലിക്ക, ശർക്കര, മരുന്നുകൂട്ട് എന്നിവ നാലു തുല്യഭാഗങ്ങളാക്കുക. ഭരണിയിൽ ആദ്യം നെല്ലിക്ക, മീതെ ശർക്കര, ശേഷം മരുന്നുകൂട്ട് എന്നിങ്ങനെ അടുക്കി ഭരണിയുടെ വായ മൂടിക്കെട്ടി ഒന്നരമാസം സൂക്ഷിക്കുക. ഇത് അരിച്ചെടുത്ത് 15 മി ലീ വീതം രണ്ടു നേരം കഴിക്കാം.

By:

Dr Nisamudheen Neerad

Government Medical Officer,

AYUSH Primary Health Centre

Karassery Unani Dispensary

Consult Online:

www.unanidoctor.com